Attavigitigut
Periarfissanik minguitsunik piginnaatitaaffeqalerneq
Issittoq pillugu ilisimasaqartuuvugut
Kalaallit Nunaanni suliffeqarfittut, issittumi ilisimasassat annertuut ilisimavagut. Qanoq nikisitsissanerluta nalunngilarput. Silap pissusaaniit, inuiaqatigeeriaatsimut, suleqatissallu eqqortunut attaveqalersitsisinnaaneq, uagut Kalaallit Nunaanni nunaqavissuunitsinnit taamaallaat ilisimasarineqarsinnaasoq pigaarput.
Suliniutigut misissukkit
Piujuartitsineq pillugu suleqataasuuvugut
Siunissaq minguinnerusoq, piujuartitsisorlu, tamatigut anguniaqaqatigiiffeqarnikkut suleqateqartarnigut toqqammaveqartarput. Avatangiisit, inuigatigiit aamma aningaasaqarneq, suleqatigisagut sivisuumik atassuteqarfiginissai aallutaraarput, tatigeqatigiinneq aamma paaseqatigiinneq nukittunissaq suleqatigiinnerni tamani anguniagaraarput.
Piujuartitsinissamut suleriuserput
Soqutigisaqatigiinnik ataatsimoortitsilertarpugut
Soqutigisallit nunatta avataaniittut aammalu suliaqarfissuit amerlasuut, tamarmik assigiinngitsunik pingaartitallit aallusseqatigisarpagut. Kinaassutsitta qiteraniippoq aamma siulersuutigaarput, isiginnittariaatsit assigiinngittut akornanni aqqutissiuussinikkut, nunarsuup minguinnerusumik nukissiornissaanut ikaarsaariartornermi takorluugaqaqatigiinnermut ataatsimoortitsilertarluta.
Suleqatigut misissukkit

Kalaallit Nunaannit, Kalaallit Nunaannut

NunaGreen Namminersorlutik Oqartussanit pigineqarpoq, takorluukkatsinnillu pingaarutilittut ilusiliisuulluni. Kalaallit Nunaat pillugu iliuuseqartuarnissarput pisussaaffigaarput, nunarput innuttaalu salliullugit.

Anguniakkat niuerpalaartut

Niuernerup iluani anguniakkagut annertupput, Kalaallit Nunaata soqutigisai pingaaartillugit suliffeqarfik alliartortikkusupparput. Naalakkersuisunit pigineqarpugut niuernerlu aqqutigalugu ilisimasaqarluarluta silatusaartumik nukissiorneq minguitsoq pilersinniarlugu.

Minguitsunik periarfissanik aammaassisoq

Kalaallit Nunaanni suliffeqarfiuvugut, paasisimasaqarluartut, attaveqaatillit ilisimasaqarluartullu, Kalaallit Nunaanni minguitsumik nukissiornissamut periarfissamik ammaassisoq. Nunarput arlalitsigut immikkuullarissuuvoq, taamaattumik avataanit suleqatissatta minguitsumik nukissiornissamik piviusunngortitsinissaminnut, uatsinniit tapersersorneqarnissartik pisariaqartippaat.

Aallartinneranit naammassinissaanut suleqatigiinneq

Minguitsumik nukissiornerup iluani alloriarfissani tamani suleqataasinnaavugut. Niuernerup ilusissaa suliarisarparput, aningaasaqarneq qulakkeertarparput, sanaartornermut ikiuussinnaavugut, pisariaqartitsisoqartillugulu nukissiorfinnik aserfallatsaalisinnaalluta. Suleqatigisagut tapersersorluarniarlugitsuliassatta, akisussaaffillu suuneri peqatigiilluta ilusilersortarpagut.

Nukissiorneq minguitsoq pillugu suliniutigut

NunaGreen Namminersorlutik Oqartussaniit Kalaallit Nunaanni nukissiorneq minguitsoq pillugu suliniuteqarnissamut akisussaasuutinneqarpoq. Suliniutinut quppernitta iluani maanna suliniutigut, siunissamilu suliniutissagut pillugit paasisaqarnerusinnaavutit.
Paasisaqarnerugit

Suleqatigiilluta ingerlavugut

Qujamasuppugut Kalaallit Nunaanni nunallu avataani qanimut suleqatigisagut ilisimaqarluartut atassuteqarfigilluaratsigit.
Paasisaqarnerugit

Piujuartitsinermik nukittorsaaneq

ESG eqqarsaatigalugu anguniakkagut qaffasissorujussuupput. ESG-mut nalunaarusiornissarput piujuartitsinermullu periusissiaq ineriartortippagut. NunaGreenip avatangiisinut sunniutinut naliliineq peqqissaarullugu suliaraa sanaartugassallu sunniutissai pillugit innuttaasunik peqataatitsineq qulakkeerlugu.
Paasisaqarnerugit