Attavigitigut
Periarfissanik minguitsunik piginnaatitaaffeqalerneq
Issittoq pillugu ilisimasaqartuuvugut
Kalaallit Nunaanni suliffeqarfittut, issittumi ilisimasassat annertuut ilisimavagut. Qanoq nikisitsissanerluta nalunngilarput. Silap pissusaaniit, inuiaqatigeeriaatsimut, suleqatissallu eqqortunut attaveqalersitsisinnaaneq, uagut Kalaallit Nunaanni nunaqavissuunitsinnit taamaallaat ilisimasarineqarsinnaasoq pigaarput.
Suliniutigut misissukkit
Piujuartitsineq pillugu suleqataasuuvugut
Siunissaq minguinnerusoq, piujuartitsisorlu, tamatigut anguniaqaqatigiiffeqarnikkut suleqateqartarnigut toqqammaveqartarput. Avatangiisit, inuigatigiit aamma aningaasaqarneq, suleqatigisagut sivisuumik atassuteqarfiginissai aallutaraarput, tatigeqatigiinneq aamma paaseqatigiinneq nukittunissaq suleqatigiinnerni tamani anguniagaraarput.
Piujuartitsinissamut suleriuserput
Soqutigisaqatigiinnik ataatsimoortitsilertarpugut
Soqutigisallit nunatta avataaniittut aammalu suliaqarfissuit amerlasuut, tamarmik assigiinngitsunik pingaartitallit aallusseqatigisarpagut. Kinaassutsitta qiteraniippoq aamma siulersuutigaarput, isiginnittariaatsit assigiinngittut akornanni aqqutissiuussinikkut, nunarsuup minguinnerusumik nukissiornissaanut ikaarsaariartornermi takorluugaqaqatigiinnermut ataatsimoortitsilertarluta.
Suleqatigut misissukkit
Misissuerusussuseqartuuvugut
Ukiut untritillit matuma siorna, Thulemiit siuaagut assigalugit, piffiit tikinneqarsimanngitsut tikinnissaanut piumassuseq ilutsinneereerpoq – pisuussutinik nutaanik, periarfissanik nutaanik aaqqiissutissanillu nutaanik ujartuerusulluta. Nutaaliorusussuseqarnitta siuttuunissamik periuseqarnissatsinnut pileritsatsittarpaatigut. Siulliulluta iliuuseqarusuttuuvugut, angisuunik takorluuisinnaalluta aamma annertuunik angusaqarusuttuulluta.
Uagut pilluta paasisaqarnerugit

Tusagassiuutitigut nalunaarut

Job Opportunities

Kalaallit Nunaannit, Kalaallit Nunaannut

NunaGreen Namminersorlutik Oqartussanit pigineqarpoq, takorluukkatsinnillu pingaarutilittut ilusiliisuulluni. Taamaammat Kalaallit Nunaat pillugu iliuuseqartuarnissarput pisussaaffigaarput, nunarput innuttaalu salliullugit.

Anguniakkat niuerpalaartut

Niuernerup iluani anguniakkagut annertupput, Kalaallit Nunaata soqutigisai eqqarsaatigalugit, suliffeqarfik alliartortikkusupparput. aallussinikkut alliartortikkusupparput. Naalakkersuisunit pigineqaraluarluta nukissiorneq minguitsoq pilersinniarlugu, ilisimasaqartutut silatusaartumik, niuerpalaartumik periuseqarpugut.

Minguitsunik periarfissanik aammaassisoq

Kalaallit Nunaanni suliffeqarfiuvugut, eqqortunik ilisimasallit, attaveqaatillit aamma pisinnaasaqarfillit, minguitsumik nukissiornissamut periarfissamik Kalaallit Nunaanni ammaassisoq. Nunarput immikkuullarissutsinik ataasiinnaanngittunik ulikkaarpoq, taamaattumik avataanit suleqatissagut minguitsumik nukissiornissamik piviusunngortitsinissaminnut, uatsinniit tapersersorneqarnissaminnik pisariaqartitsipput.

Aallartinneranit naammassinissaanut suleqatigisat

Minguitsumik nukissiornerup iluani alloriarfinni tamani suliniuteqarnissamut aallussisinnaavugut. Niuerpalaartumik caseliortarpugut, aningaasaqarnermi qulakkeerinnissinnaavugut, sanaartornermut ikiuussinnaavugut, pisariaqartitsisoqartillugulu nukissiorfinnik aserfallatsaalisinnaalluta. Sullitatta pisariaqartitaanik ikiorluarnissai anguniarlugu, suleqatissagullu suliassatta, akisussaaffillu suuneri inissititeriffigisarpugut.

Nukissiorneq minguitsoq pillugu suliniutigut

Namminersorlutik Oqartussanik NunaGreennimit Kalaallit Nunaanni nukissiorneq minguitsoq pillugu suliniuteqarnissamut akisussaasuutinneqarpoq. Suliniutinut quppernitta iluani maanna suliniutigisagut, siunissamilu suliniutissagut pillugit takukkit.
Paasisaqarnerugit

Suleqatigisanit suliarineqartut

Qujamasuutigaarput nukittuut, pikkorissut attaveqarfigisarigatsigit, suleqatigisat pingaarnerit Kalaallit Nunaanniit avataaniillu.
Paasisaqarnerugit

Piujuaannartitsinermik piginnaatitaaffeqalerneq

ESG eqqarsaatigalugu anguniakkagut qaffasissorujussuupput. Suliniutitsinni avatangiisinut attuumassuteqartut nalilersornissaanut, akisussaaffimmik aamma aalajangersimasumik periuseqarneq ingerlatariniarparput.
Paasisaqarnerugit