NunaGreen-imi ataatsimeersuarneq ingerlanneqarpoq aammalu 2025-mut eqeersimaarfiusumut sammivissaliisoqarluni
NunaGreen-imi nalinginnaasumik ataatsimeersuarneq ullumi ingerlanneqarpoq, tassani siulersuisuni ilaasortat tamarmik toqqaqqinneqarlutik. Peqatigisaanik ukioq ataaseq malunnaatilimmik siumut ingerlalluarfiusoq aammalu nunatsinni erngup nukinganik aningaasaliiviusoq naggaserneqarpoq, tamannalu aamma ingerlatseqatigiiffiup 2024-mut ukiumoortumik nalunaarusiaani tamanut saqqummiunneqaqqammersumi takuneqarsinnaavoq.
Mingutsitsinngitsumik nukissiornerup siumut ingerlanera aningaasaliinerillu 2024-mi malunnarput
NunaGreen-ip 2024-mut ukiumoortumik nalunaarusiaani ukiumi anguniakkani pingaarutilinnik killiffeqarnerup aammalu Kalaallit Nunanni erngup nukinganik suliassani nutaani ingerlatassat annertusarneqarnerisa sunniussimaarsimanerat, malunnartinneqarpoq.
Ukiut siuliini NunaGreen Kalaallit Nunaanni mingutsitsinngitsumik nukissiamik pilersuinerup ineriartortinneqarnissaanut annertuunik aningaasaliivoq. Utoqqarmiut Kangerluarsunnguanni erngup nukinganik innaallagissiorfiup allilerneqarnerata suliarineqarneranut 80 mio. koruunit missai aammalu Qeqertarsuup Tunuani erngup nukinganik innaallagissiorfimmik nutaamik pilersitsinissamut piareersaanermut 20 mio. koruuningajaat atorneqarput. Suliassat marluusut nunatsinni nukissiuutinut ataavartunut allanngoriartortitsinissamut aammalu nunap iluaneersunik ikummatissanik annikillisitsinissamut nunatsinni periusissiami qitiusuni ilaatinneqarput.
2025-mut isernermi alloriarneq pingaaruteqartoq aamma tassaavoq ingerlatseqatigiiffinnik immikkoortortanik nutaanik marlunnik pilersitsineq: NunaGreen Construction Disko Bay A/S, Qeqertarsuup Tunuani erngup nukinganik innaallagissiorfiliornissamik isumaginnittussaq, aammalu NunaGreen Development A/S, siunissani mingutsitsinngitsumik nukissiornissamut suliniutinik inerikkiartortitsisussaq, ilanngullugit suleqatigisartagassanik pisariaqartunik ineriartortitsineq aamma aningaasaliiumalersitsinissaq.
Neqeroortitsinerup ingerlanera aammalu alloriarneq tulleq
Utoqqarmiut Kangerluarsunnguanni erngup nukinganik innaallagissiorfiup allilerneqarnissaanut neqeroortitsineq ingerlallualeruttorpoq. Apriilimi suliffissuit piukkunnartussarsiuussinermi piukkunneqartut suleqatigisat ilaanni ataatsimi piginnittut nikissimanerisa malitsigisaanik suliap ingerlaneraniit tunuarpoq.
Kingorna sapaatit akunneranni 21-mi site visit-imut suliffissuit piukkunnartussarsiuussinermi piukkunneqartut sinneri NunaGreen-ip tikilluaqquai. Nuummi tikeraartoqarnerup nalaani NunaGreen – Sulisitsisut suleqatigalugit – kalaallinik inuussutissarsiortunik suleqateqarneq nukittorsarniarlugu, neqerooruteqartut nunanit tamalaaneersut aammalu suliffeqarfiit najukkameersut oqaloqatigiinnissaannik aqqutissiuussivoq.
Ukiup ingerlanerani kingusinnerusukkut suliassap aningaasalersorneqarnissaanut neqeroortitsineq aallartitinneqassaaq. Taarsigassarsilluni aningaasalersuinissaq unammilleqatigiisitsivigineqassaaq, aammalu anguniagaavoq 2025 naatinnagu naggataatigut aningaasalersuinissaq aammalu suliarinninnissamut isumaqatigiissuteqarnissaq qulakkeerneqassasut.
Sanaartornermik suliaqarneq aasamut aallartissaaq
Utoqqarmiut Kangerluarsunnguanni aqqusinermik aqqutaasussamik pilersitsinissaq qaammammi matumani aallartinneqareerpoq. GNC-imut isumaqatigiissut atsiorneqareerpoq, aammalu NunaGreen-ip aallartinnissaq qilanaaraa. Issittumi Sakkutooqarfiup Utoqqarmiut Kangerluarsunnguanni siku aserortereerpaa, aammalu pisortat akuersissuteqarneri pisariaqartut piniarneqassallutik. Aqqusinniassami illoqarfiit pingaarnersaanni erngup nukinganik innaallagissiorfiup allilerneqarnissaata erseqqinnerusumik aallartinnera malunnartinneqarpoq, peqatigisaanillu Kalaallit Nunaanni illuliortiternermik sanaartornermillu inuussutissarsiortuni suliassaqartitsilissalluni.
“Ukioq suliassatsinni siumut ingerlatsilluarfiusoq kingumut qiviarparput aammalu Utoqqarmiut Kangerluarsunnguanni nivariarnerup siulliup qanittumi pinissaa qilanaaralutigu. Maanna 2025-p ingerlataqarnermik ulapaarnermillu sunnersimaneqarnissaa qilanaaraarput,” pisortaaneq Aviaja Karlshøj Knudsen oqarpoq.
