Ullummikkut suliamut pingaarutilimmik pisoqarpoq, tassami NunaGreenip Utoqqarmiut Kangerluarsunnguanni erngup nukinganik nukissiorfiup allilerneqarnissaannut piumasaqaatit saqqummiunnerisigut sanaartorumallutik neqeroortussat ullumikkumiit peqataasinnaanngorput.
Suliaq Kalaallit Nunaanni piujuartitsinerup annertusarnerannut qitiulluinnarpoq siunissamullu nukissiuutinik ataavartunik suliaqarnermut alloriarnerulluni pingaarutilik.
Erngup nukinganik nukissiorfittaassap innaallagiaq pilersinneqartoq pingasoriaammik 45 MW-miit 121 MW-mut annertusissavaa.
Suliassami ilaatinneqarput kaavittut (turbinet) nutaat pingasut ikkussorneri, 16 km-imillu takitingisumik Isortuarsuup Tasianiit Kangerluarsunnguup Tasersuanut sullorsualiorneq.
NunaGreenip neqerooruteqartussat tunniusimasut piginnaasullu kaammattorpai neqeroortitsinermut allakkiat misissoqqullugit. Paasisaqarnerorusukkuit una takuuk: Dalux
