Suliniutinut aqutsisoq misilittagalik – Imermit nukissiorneq aamma erngup nukinganik innaallagissiornermut atortulersuutit

  Suliniutinut aqutsisoq misilittagalik – Imermit nukissiorneq aamma erngup nukinganik innaallagissiornermut atortulersuutit

Kalaallit Nunaata mingutsitsinngitsumut allanngoriartortitsineranut qitiusumi inissisimasoq – sanaartugassanut pisariusunut teknikkinillu pilersuinernut akisussaasuusoq

Suliniutinut aqutsisuuit pilersaarusiortartoq misilittagalillu, imermit nukissiornerup aamma ermup nukinganik innaallagissiornermut atortulersuutinut tunngasut iluanni sanaartugassani annertuuni patajaatsumik misilittagaqartoq?

Suliniutinut aqutsisumik misilittagalimmik EPC-imi suliniutini pisariusuni aqutsisussamik aammalu teknikkikkut pitsaassutsinik, isumannaallisaanermik pilersuutinilu piujuartitsinissamik qulakkeerisussanik, NunaGreen sulisussarsiorpoq.

Atorfik pillugu

Suliniutinut aqutsisutut misilittagalittut suliniutip iluatsilluarnissaanut qullersatut akisussaaffeqassaatit – pilersaarusiornermiit aammalu ingerlatsilernissamut tunniussinissamullu oqartussat suliarinninnerannut. Nuummi, Qasigiannguani Aasiannilu pilersuinissamut erngup nukinganik innaallagissiorfinnik attaveqaasersuutitaannillu inerisaanissaq suliarineqartussaapput. Sulianut pikkorilluinnartuni suleqatigiinni ilaalissaatit, sanaartornermut pisortamut nalunaarusiortassallutit aammalu EPC-inik pilersuisut, entreprenørit oqartussallu qanimut suleqatigilissallugit.

Atorfiup piaartumik inuttalerneqarnissaa kissaatigineqarpoq.

Suliassatit pingaarnerit

• Pingaarnertigut suliniutinut aqutsineq, ilanngullugit pilersaarusiorneq, missingersuutinik aqutsineq, siumut ingerlanernik nakkutiginninneq pitsaassutsinillu isumannaarineq.
• Sanaartornernik suliaqarnernik teknikkikkut aqutsineq: sulluliorneq, ruujorinik naqitsinilinnik ikkussuineq (penstock), kuuffissat aamma qaarsumi qajannaarsuineq.
• Aningaasartuutissat angusallu pitsaanerulersinniarlugit EPC-mi kiisalu value engineering-imi sinaakkutissani isumaqatigiissutinik pilersuisunillu aqutsineq.
• Elektromekaniskinik pilersuinernut ataqatigiissaarineq (turbinit, generatorit, transformatorit) aamma SCADA-integration kiisalu netintegration.
• CO₂-mik sunniinissap annikillisinnissaa erngullu pitsaassusaata nakkutiginissaa ukkataralugit isumannaallisaanermi, avatangiisini, piujuartitsinermilu suliniutissanik atuutsitsilerneq.
• Aarlerinaataasunik aqutsineq, sillimmatissanut aamma failsafe-nut pilersaarutit kiisalu tutsuiginassutsinut tikikkuminassutsinullu siunnerfinnut uppernarsaatit.

Tunuliaqutitit misilittakkatillu

• Minnerpaamik ukiuni 5-6-ni sanaartugassani, nukissiornermi imaluunniit erngup nukingani suliniutini suliniutinik aqutsinermi misilittagaqarneq (EPC imaluunniit pilersuutit naammassereerlutik atoriaannaat).
• Teknikkinut ilinniagaqarluni tunuliaqutaqarneq (ingeniøri, maskinmesteri assigisaanilluunniit) ilusilersugassat sanaartugassallu iluanni annertuumik misilittagaqarneq.
• Isumaqatigiissutit isumaqatiginninniutigineqartarneranni, pilersuinernik aqutsinernik aamma sanaartugassanut akigititassanut isumaqatigiissutinik pisariusunik passussinermi uppernarsaatilimmik misilittagaqarneq.
• Elektromekaniskini periaatsinut suliaqarnermi ilisimanninneq, ilanngullugit Francis-turbinit, generatorit aamma switchgear.
• Netintegration (ass. 132 kV innaallagiamut sakkortuumut silaannakkut aqqusersuutit) aamma transformatorstationinik innaallagiamullu sakkortuumut attaveqaasersuutinik ataqatigiissaarinermik misilittagaqarneq.
• Attaveqaqatigiinnermut aqutsinermullu annertuunik piginnaasaqartoq, aalajangiisinnaassuseqartoq aammalu suliniutini pisariusuni siumut ingerlatitsilersinnaasoq.
• Allattariarsornermi oqalunnermilu danskisut tuluttullu oqallorissoq.

Neqeroorutigaagut

• Suliffeqarfimmi Kalaallit Nunaanni ataavartumik nukissiornermi attavaqaasersuutinik ineriartortitsisumi annertuumik sunniuteqarluni aqutsisutut inissisimanissaq.
• Sulianut ineriartornissamut, EPC-imi suliniutinut pisariusunut akisussaasunngornissamut aammalu suleqatigiinnik suliassanut pikkorilluinnartunik suleqateqarnissamut periarfissaqarneq.
• Atugassarititaasut unammillersinnaassuseqartut, sulliviup sumiiffiata allanngorartuunera aammalu suliffimmi suliffiullu avataani inuunerup oqimaaqatigiisinnissaat pingaartinneqarput.

Soqutiginnippit?

Apeqqutissaqaruit, Erlingur Leifsson attavigisinnaavat mailikkut: ejl@nunagreen.gl.

Qinnuteqaatit aamma CV-it HR-inut immikkoortortaqarfimmut nassiuguk uunga tek@nunagreen.gl. Oqaloqateqarnerit ingerlaavartumik ingerlanneqassapput.

NunaGreen A/S pillugu naatsumik

NunaGreen ataavartumik nukissiornerup iluani Kalaallit Nunaanni suliaqartuni siuttunngornissamik siunertaqarluni suliffeqarfiuvoq aallarterlaaq anguniagaqartorlu. Erngup nukinganik innaallagissiorfinnik allanillu piujuartussamik nukissiornermi aaqqiissutissanik ineriartortitsivugut sanaartortarlutalu, avatangiisinut inuiaqatigiinnullu ungasissumut naleqalersitsinissaq ukkataralutigu.

Nuummi qullersaqarfeqarpugut, tassani nuannersumik akuutitsisumillu sullivimmi avatangiiseqarneq paarilluarlutigu, aammalu mingutsitsinnginnerusumik siunissaqarnissamut angalanitsinni ilaalertussanik tunniusimasunik sulisussarsiorluta. Kalaallit Nunaanni ataavartumik nukissiornissamut periarfissat annertoorujussuit akisussaassusilimmik nutaaliorlunilu atorluarnissaat sulissutigaarput, peqatigisaanillu inuunermi atugassarititaasunik pitsanngorsaaqataavugut najukkanilu sullivissanik pilersitsisarluta.