Alliliinermi Kangerluarsunnguup Tasersuata eqqaani nutaamik innaallagissiorfiliortoqassaaq, nutaanik 76,9MW-inik sakkortussusilinnik kaavittulerneqassalluni aammalu 16 km-nik takissusilimmik sulluliortoqassalluni. Sulluliap tatsit qatsissumiittut, Kangerluarsunnguup Tasersua aamma Isortuarsuup Tasia, atassusissavai innaallagissiorfissarlu nutaaq imermik pilersussallugu.

Innaallagissiorfissaq 37 km-it missaannik takissusilimmik innaallagissamut aqqusersuuserlugu nukissiorfimmut pioreersumut atassuserneqassaaq. Alliliinerup innaallagiaq pingasoriaammik annertusissavaa 45 Megawattimiit 121 Megawattimut, taamaasilluni Nuummi ataavartumik innaallagissamik pilersornera ukiuni qulikkaani arlalinni qulakkiissallugu.

Sanaartugassaq suliassatut tamakkiisutut neqeroortitsivigineqarpoq sanaartornerlu 2026-mi aallartissasutut naatsorsuutigineqarpoq, imermillu nukissiorfik nutaaq 2032-mi atorneqalernissaa naatsorsuutaalluni.