Ukiuni qulikkaani kingullerni Kalaallit Nunaanni silaannaap allanngorarnera, kissatsikkiartornera, sermersuup aakkiartornera immallu qaffakkaluttuinnarnera oqaluuserineqartarsimaqaaq. Kalaallit Nunaalli taakkuinnaanngilaq.
Pinngortitarsuatsinni nukissaq atorneqarnissaminut utaqqiinnarpoq. Erngup nukinga. Seqernup nukinga. Anorip nukinga. Nukissaq nikisinneqarsinnaavoq. Nukissaq atorlugu nunarsuarmi minguitsumik nukissiornissaq periarfissaavoq.
Kalaallit Nunaat sinnerlugu NunaGreenimi silaannaap pissusaani ajornartoorneq periarfissatut iluaqutissiissutitullu oqaluttuariniarparput.
Issittumi angalaartuuneq ilisimasaqarnerlu siulitsinnit pigisarput atorlugu ilisimasagut ineriartortikkusuppagut, piujuaannartitsineq tunngavigalugu suleqatiginnikkusuppugut taakkualu aqqutigalugit soqutigisallit nukissallu ataatsimuulersikkusuppagut.
Aningaasarsiornissamut misissuinernik suliaqartarpugut, Kalaallit Nunaanni minguitsumik nukissiornerup iluani ineriartortitsineq, sanaartorneq aqutsinerlu tunngavigalugit piginnaanngorsarlutalu naleqalersitsisarpugut.
Oqaluttuassarput Utoqqarmiut Kangerluarsunnguani minguitsumik nukissiornermit aallaaveqaraluartoq periarfissat allat misissorusuppagut, nukissiornerlu Kalaallit Nunaata avataanut ingerlassinnaavarput.
NunaGreen. Periarfissanik minguitsunik piginnaatitaaffeqalerneq
