Tallimanngorneq ulloq 9. februar NunaGreen A/S immikkut ittumik ataatsimeersuarpoq. Tassunga atatillugu ingerlatseqatigiiffiup siulersuisuisa inuttalersugaanerat Naalakkersuisut allanngortippaat.
Siulersuisunut ilaasortat makkua siulersuisuniigunnaarput:
Stine Bosse-p nunani tamalaani politikkikkut suliaqarnini ingerlanniarlugu aalajangersimammat, Naalakkersuisut Line Frederiksen NunaGreen A/S-imut siulersuisunut siulittaasunngortussatut toqqarpaat.
Siulittaasuujunnaartoq Stine Bosse siullermik Nunaoil A/S-imi, kingullermillu NunaGreen A/S-imi ukiorpassuarni sulisimaneranut qutsavigineqarpoq. Stine Bosse naggasiivoq:
– ”Nunaoil-ip NunaGreen-inngorlugu allanngortinnissaanut suliap ingerlanera pissaganarsimavoq pingaaruteqarlunilu. Ikummatissanik itsangasunik mingutsitsisunillu nunap ukkatarinninnera mingutsitsinngitsumik piujuartussamillu nukissiornermut allanngortinniarlugu, NunaGreen pilersinneqarpoq. Takorluukkat iliuuseqarninngortinnissaat sukkasuumik ingerlasimavoq. Aaqqissuussaaneq mingutsitsinngitsumik sanaartugassanik annertoorujussuarnik isumaginnissinnaasoq NunaGreen-ip sukkasoorujussuarmik ineriartortissinnaasimavaa, aammalu maannakkut nunami attaveqaasersuutinut suliniutit annersaasa ilaanik pilersaarusiorluni ingerlallualeruttorluni. Ukiut pissaganartut 8-t Kalaallit Nunaanniinninnut qujavunga, inuiannut kalaallinut ataqqinninnera nuannarinninneralu uanni itisuumik inissisimajuaannartussaavoq aammalu ineriartornerup malinnaaffiginerata ingerlateqqinnissaanut qilanaarpunga”.
NunaGreen-imi pisortaanerup Hans Ulrik Skifte-p Stine suleqatigiilluarsimanermut qutsavigaa oqarlunilu:
-”Stine ingerlatseqatigiiffiup pilersinneqarnissaanut patajaalluni siuttuusimavoq, aammalu ingerlatseqatigiiffiup sanaartugassanik suliassaqarnissaata qulakkeernissaanut tunngatillugu aalajangiisuulluinnartumik pingaaruteqarsimalluni. Stine Kalaallit Nunaata siunissami nunarsuarmi mingutsitsiviunngitsumi inissisimanissaanut tunngatillugu ingerlatseqatigiiffiup takorluugaannut titartaasuusimavoq. Aamma Volinka, NunaGreen-imi siulersuisuni sulisimaneranut qutsavigerusuppara”.
Siulersuisunut siulittaasunngortoq Line Frederiksen, Kalaallit Nunaanni ingerlatseqatigiiffinnit anginerusunit arlalinnik misilittagaqarluni aallartissaaq, ilaatigut siusinnerusukkut Tusass-imi CFO-tut. Line Frederiksen ilaatigut Arctic Umiaq Line A/S-imi aamma Amaroq Minerals Ltd-imi siulersuisunut ilaasortaareerpoq.
Tamatuma saniatigut Naalakkersuisut aalajangerput Tove Dyre Palnum siulersuisunut ilaasortanngortinniarlugu. Tove Dyre Palnum, Sirius Advokater-mi Piginneqataavoq, Sanaartugassanut akigititassanut neqeroortitsisarnermullu inatsisit pillugit annertoorujussuarmik ilisimasaqarluni.
Siulersuisunut ilaasortanngortut marluk tassaapput:
NunaGreen-imi siulersuisut tamarmiusut taamaalillutik tassaalerput
Paasissutissanik annertunerusunik piniarnermi Line Frederiksen attaveqarfigineqarsinnaavoq mailikkut: lif@nunagreen.gl og telefon +299 522480.
