Suliniutinut aqutsisuuit misilittagalik piujuartitsinermik pingaartitsisoq? NunaGreen sanaartugassaatitsinnut annertuunut suliassaqarfinni pingaarutilinni aqutsisussamik suliniutinut aqutsisumik pikkorissumik sulisussarsiorpoq. NunaGreen-imi suliniutinut aqutsisutut Kalaallit Nunaanni nukissiuutinik piujuartitsinermut qitiusussanik sanaartornermi qitiusumi inissisimalissaatit. Aalajangersimasumik Kalaallit Nunanni sanaartugassat annersaasa ilaannik, Nuup eqqaani Utoqqarmiut Kangerluarsunnguanni erngup nukinganik innaallagissiorfiup allilerneqarnissaanut kiisalu Qasigiannguit Aasiaallu pilersorneqarnerannut erngup nukinganik innaallagissiorfiliornissamut tunngassuteqartunik, suliaqalissaatit. Suleqatigiinni maannakkorpiaq sanaartugassaatitsinnut annertuunut neqeroortitsinerup ingerlaneranik suliaqartuni ilaalissaatit.
Suliassaqarferni pingaarnerni ilaassapput suliassaqarfiit qitiusut iluanni suliniutinik aqutsineq, soorlu:
- Aarlerinaataasunik aqutsineq: Suliniutini aarlerinaataasinnaasut suussusersisarneq aammalu aarlerinaataasut taakkua annikillisinniarlugit imaluunniit aarlerinarunnaarsinniarlugit periusissianik ineriartortitsineq.
- Isumaqatigiissutissanik isumaqatiginninniarneq: Pilersuisunut entreprenørinullu isumaqatiginninniarneq, atugassarititaasut iluanaarnartuunissaannik qulakkeerisarneq aammalu suliniutip ingerlanneqarnerata nalaani isumaqatigiissutinik naammassinninnerup malinnaaffiginera.
- Oqartussat suliarinninnerat: Oqartussani suliat ingerlanerini sulissaatit, najukkani nunamilu namminermi maleruagassat qulakkiissallugit aammalu suliniutinut akuersissutit akuersissuteqarnerillu pisariaqartut pissarsiarisarlugit.
- Avatangiisit: Suliniutini suliaqarnerit tamarmik avatangiisinut inatsisinut naapertuuttuunissaat qulakkeertarlugu kiisalu suliniutini avatangiisinut ilisarnaatit pitsanngorsarniarlugit avatangiisini aarlerinaataasut annikillisittarlugit.
- Sullivinni avatangiisit: Inatsisit malinneqarnissaannik aammalu suliniutit sullivimmi avatangiisini isumannaatsuni peqqinnartunilu ingerlanneqarnissaannik qulakkeerisarneq. Tamanna sullivinni avatangiisini suleriaasissat politikkikkut atuutsinneqarnerisigut malinnaavigineqarnerisigullu pissaat.
Illit pillutit:
- Suliniutinik aqutsinerup iluani naleqquttumik ilinniarsimasuuvutit, ingeniøritut imaluunniit pissusissat naleqquttut allat iluanni ilinniarsimasuuguit pitsaassalluni. Sanaartugassanit annertunerusunit patajaatsumik misilittagaqarputit, pingaartumik nukissiuuteqarnerup attaveqaasersuutillu iluanni.
- Iliuuseqallaqqissuuvutit sakkortuumik allattariarsornikkut oqaluinnarnikkullu attaveqaqatigiillaqqissuullutit.
- Oqartussanut avatangiisinullu tunngasunik misilittagaqarputit.
- Sioqqutaarisarputit, aaqqiissutissat pingaartillugit aammalu namminersorlutit taamatullu suleqatigiinni sulisinnaallutit.
- Annertuumik tunniusimasuuvutit nukittuunik pingaartitaqarlutit, mingutsitsinngitsumut allanngoriartortitsinermut pitsaasumik iluaqusiinissaq pillugu NunaGreen-ip takorluugaannut kattunneqarsinnaasunik.
Atorfik piaartumik imaluunniit erseqqinnerusumik isumaqatigiissuteqarneq malillugu inuttalerneqassaaq aammalu oqaloqateqarnerit ingerlaavartumik ingerlanneqassallutik. Qinnuteqartoq eqqortoq piukkunnassuseqarnera malillugu aningaasarsiaqartinneqarnissamik neqeroorfigineqassaaq. Atorfimmut sulisunut inissiamik neqerooruteqartoqassanngilaq. Ingerlatseqatigiiffimmi sanaartornermut pisortap ataaniissaatit.
Qinnuteqaatit sanaartornermut pisortamut Martin Møllerimut mm@nunagreen.gl nassiuguk. Aamma apeqqutissaqaruit uunga +299 589667 sianersinnaavutit.
