NunaGreen A/S Nuummi pisortaanissarsiorpoq

Mingutsitsinngitsumut allanngoriartortitsineq uatsitulli pingaartitariviuk? Aqutsisuuit iliuuseqarsinnaalluartoq kajumilersitsisinnaasorlu, attaveqaasersuutillu inuiaqatigiinnut pingaarutillit pillugit suliniutinik aqutsinermik misilittagaqarluartoq, aammalu nutaaliornermik ineriartortitsinermillu soqutigisaqartoq? Taava immaqa illit NunaGreenip pisortartaassarivaatit!

NunaGreen suliffeqarfiuvoq suli nutaajusoq nukissiuutit ataavartut aamma mingutsitsinngitsumut allanngoriartortitsinerup iluanni Kalaallit Nunaanni siuttuunissaminik anguniagaqartoq. Ingerlatseqatigiiffiup maannakkorpiaq suliassaata annersaat pingaarnersaallu tassaavoq Nuummi erngup nukinganik nukissiorfiup (Utoqqarmiut kangerluarsunnguat) annertusarnissaata qulakkeernissaa kiisalu Qasigiannguanut Aasiannullu erngup nukinganik nukissiorfiliornissaq.

Kalaallit Nunaat nukissiuutinik ataavartunik periarfissarpassuaqarluni periarfissanik mingutsitsinngitsunik immikkuullarissunik neqerooruteqarpoq, NunaGreenillu nutaaliornikkut siunnerfilimmik periarfissat taakku akisussaassusilimmik piujuartitsinissarlu tunngavigalugu atorluarneqarnissaat anguniagaraa. Avatangiisitigut pitsaasumik sunniuteqalersitsillutalu Kalaallit Nunaanni innuttaasunut toqqaannartumik iluaqusersuissaagut.

Pisortatut aaqqissuussaaneq anginngitsoq alliartortorli siuarsaqqinnissaalu akisussaaffigissavat, sulisut pikkorissut tunniusimasullu aammalu siulersuisut qanittumik suleqatigalugit.

Tamatuma saniatigut suliassatit pingaarnerit tassaassapput:

• Utoqqarmiut kangerluarsunnguani Qeqertarsuullu tunuani erngup nukinganik nukissiorfiit pillugit suliniutit isumaginissaannut sanaartornermut aaqqissuussaanermik nukittuumik pilersitsinissaq
• Erngup nukinganik nukissiorfiit pillugit suliniutit aqunnissaat, isumaqatigiissutinik nalorninaatilinnillu suliaqarneq ilanngullugit
• Suleqatigisat pitsaasumik attaveqarfiginissaannik malinnaatitsineq ineriartortitsinerlu
• Niuerfinni pisunik, inatsisiliornikkut allannguutinik pissutsinillu avataaneersunik allanik NunaGreenip ineriartortinneqarneranut ingerlanneqarneranullu sunniuteqarsinnaasunik nakkutiginninneq
• NunaGreenip nukissiuuteqarnikkut aaqqiissutinut piujuartitsiffiusunut periusissiaata anguniagaatalu ineriartorteqqinneqarnissaat atulersinneqarnissaallu
• Sunniuteqarluartumik ingerlatsinissamik NunaGreenillu sulisuinik pikkorissunik pitsaasumik aqutsinissamik qulakkeerinninnissaq
• Siulersuisunut soqutigisaqartunullu allanut angusanik tunniussaqarneq nalunaaruteqartarnerlu
• Suliffeqarfimmi kulturimik suleqatigiinnermik, nutaaliornermik piujuartitsinissamillu pingaartitalimmik siuarsaanissaq

Atorfimmi iluatsitsilluarniassagaanni aaqqissuussaanermik paasinnillaqqissuusariaqarpoq aammalu sanaartornermik suliniutit, attaveqaasersuutit sulisunillu aqutsineq piginnaasaqarfigilluarlugit. Nukissiuutit ataavartut mingutsitsinngitsumullu allanngoriartortitsineq misilittagaqarfigereerukkit iluarnerpaassaaq.

Aamma soqutigisalinnut pingaarutilinnut matunik ammaasinnaassaatit atassusiliisinnaallutillu aammalu NunaGreenip ineriartortinneqarnera ikorfartorumallugu pingaartumik Kalaallit Nunaanni Danmarkimilu oqartussat, sanaartortussanngorumaartut kiisalu aningaasalersuinikkut nunani tamalaani suleqatigisat sunniuteqarluartumik suleqatigineqarnerannik pilersitsisinnaassaatit. Tamatumunngalu ilanngullugu aalajangiinerit ingerlanneqartarnerat soqutigisaqartut amerlasuut peqataaffigisaat ilaatigullu oqimaassinnaasut paasisimasaqarluarfigissavatit. Taamaattumillu qaffasissutsini tamani suleqatiginnissinnaanerup piginnaasaqarfiginissaa pingaaruteqarpoq.

Tamatuma saniatigut pingaartipparput suliatigut inuttullu makku piginnaasaqarfigissagitit:

• Naleqquttumik ingerlaqqiffiusumik ilinniagaqarneq atorfimmilu assingusumi ukiuni arlalinni misilittagaqarneq
• Kalaallit Nunaanni imaluunniit Issittumi allami sanaartornermik suliniutinik angisuunik aqutsinerup iluani misilittagaqarneq – pilersuinermik suliffeqarfimmi imaluunniit attaveqaasersuutit pingaarutillit allat iluanni misilittagaqaraanni iluaqutaassaaq
• Mingutsitsinngitsumik nukissiuuteqarnerup, pilersuinerup imaluunniit attaveqaasersuutinut tunngasut iluanni suliniutinik ineriartortitsinermik misilittagaqarneq
• Atassuteqarnernik pitsaasunik pilersitsinissaq ukkataralugu inuttut inissaqartitsisoq, saaffigiuminartoq misikkarissorlu
• Ammasumik, ataqqinnittumik naleqartitallu tunngavigalugit aqutseriaaseqarneq, NunaGreenimi kulturimut naleqartitanullu naapertuuttumik
• Sulisoqarnikkut aqutsinermik uppernarsaatitalimmik misilittagaqarneq, tamatumunnga ilanngullugit sulisunik ineriartortitsineq, aqutsisut akornanni siunersiueqatigiinneq sulinermilu avatangiisit imminut nammassinnaanissaannik ukkataqarneq
• Attaveqaqatigiinnermut isumaqatiginninniarnermullu piginnaasaqarluarneq, tamatumunnga ilanngullugu siulersuisunut tunniussaqartarnermik misilittagaqarneq
• Avatangiisinut ESG-mullu tunngatillugu malitassat kiisalu erngup, anorip seqerngup allallu nukinginut tunngatillugu nukissiuuteqarnikkut ineriartortitsinermut teknologiit ilisimasaqarfiginerat soqutigisaqarfiginerallu

NunaGreen atorfimmik pilerinartumik nukissiuutinut ataavartunut mingutsitsinngitsumullu allanngoriartortitsinermut tunngatillugu Kalaallit Nunaanni suliffeqarfiit siuttoriligassaata ineriartortinneqarneranut annertusarneqarneranullu annertuumik sunniuteqarfiusinnaasumik neqerooruteqarpoq. Sulinermi avatangiisit pitsaasut qeratanngitsumik attaveqaqatigiiffiusut suleqataaffigilissavatit. Atorfik Nuummi qullersaqarfitsinni inissisimavoq siulersuisunullu toqqaannartumik attaveqarluni.

Soqutiginartippiuk?

Atorfik pillugu apeqqutissaqaruit Flies HR-imeersup Senior Sales & Recruiter Carsten Dahlip oqarasuaatikkut +45 40456548 / +299 234045-mut imaluunniit e-mailikkut carsten@flieshr.dk-mut attaveqarfiginissaanut tikilluaqqusaavutit.

Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.

Atorfik pillugu allanik apeqqutissaqaruit Siulersuisut siulittaasuat Line Frederiksen LIF@nunagreen.gl-imut allaffigalugu saaffiginninnissamut tikilluaqqusaavutit.

Tusarfiginissat qilanaaraarput.